Shillong: Ka KSU ha ka 18 tarik uni u bnai da pynskem ko ya ka NEHU Unit wa kiwa kitkaam thymme neibynta u snem 2017-18.
Ya kani ka pynskem da pynman ha ka Old Guest House ka NEHU wei da wan sakhi da ki spah ngut ki khynroo khyllood wa puræ ka NEHU wa ki dkhot ka KSU.
Da pynbaam smai da u General Secretary ka KSU seiñbei u Donald V Thabah heiwa da emlang leh kiwa yahkhmat ki Circle waphær waphær.
Ha ka tai ka sngi da pynman leh kam ka sngi wow yachem lang wow pdiang ya ki khynroo khyllood u Ynñiawtrep kiwa dang psiah thymme wow lai puræ ha NEHU.
U President wa rim ka KSU, uwa man leh kam u Chairman ka North East Students’ Organisation u Samuel B Jyrwa da wan u kam u kongsan.
Da yoh leh ya ki rwai ki chaad na ki wa puræ ka NEHU kiwa da pynphooh pynphein ya ka yalang.
Da jied leh ya u Rangkynsai wa ka Thei Lasubon yong u snem 2017-18 heiwa u Baiengskhem Lyngdoh da jop u kam u Rangkynsai katwa ka Labelfi Khyriem da yoh ko yei naam Thei Lasubon.
Kiwa kitkaam ka KSU NEHU Unit man ki kamni ha wah:
President- u James Hitler Mawphniang
Vice President- u Shiningstar Kharbihkhiew
General Secretary- u Pynkmenlang Sanmiet
Asst. General Secretary- u Pynkmenlang Marngar
Finance Secretary- u David Rilang Nadon
Organising Secretary- u Barness Sadd
Education Secretary- u Pynshai Kupar Dkhar
Publicity Secretary- u Iarapbhathik Shangrit
Socio-Cultural Secretary- u Aitilang Mynsong
Wa ki dkhot ka Executive Members kiwa em kamwa 20 ngut.
Discussion about this post