Jowai: Ynne ka sngi ka National People’s Youth Front, Meghalaya State Unit hapoh i yahkhmat u Nickey Nongkhlaw uwa man kam u State President NPYF da hiar ko cha War Jaiñtia wow pynskem ya kiwa kitkaam yong ka 7-Amlarem National People’s Youth Front yong ka Amlarem Block.
Haka yalang pynskem ya kiwa kitkaam da pynlai da u Lasting Lamin Gadew uwa man u State NPYF General Secretary In-charge War Jaiñtia, da yoh i klam na u Martinet Shullai State NPYF General Secretary In-charge West Jaiñtia Hills wa u Jinesh Gashnga President NPYF Amlarem Block.
Neiliang u State President u Nickey Nongkhlaw hawa e yei klam da sneiñ da khroo u yaki khynroo wa yahkhmat ka thaaiñ wow man ki kiwa maya yei kaam wei u kreh chitom leh neibynta i bha i miat yong ka imlang sahlang ka thaaiñ.
Ya kiwa kitkam wa pura yong ka 7-Amlarem Block NPYF da pynskem da u State President u Nickey Nongkhlaw, wa kynthup ya u Jinesh Gashnga kam u President, u Banteidor Nyalang kam u Working President, u Relaxation Mukhim kam u Vice President, u Wanribhaki Tariang kam u General Secretary, arngut ki Asst. Secretary wa kynthup ya u Pynskhem Suliang wa u Kenny L. Gadew, u Rowel Syiemlieh kam u Organising Secretary, u Civilson Nyalang kam u Secretary In-charge War Central, u Owen Gashnga kam u Secretary In-charge War West, u Ailad Surong kam u Secretary In-charge War East, u Phila Gashnga kam u Treasurer nalor ki 7 ngut ki dkhot.
