Ka Rotary Club Jowai da kynjooh i lai luti yong ka cha u moomer wa 28 tylli ki snem kamtae ha ka sngi Khyllaw 29 tarik da khut pynman ko i yachemlang wa kyrpang ki dkhot ka seiñ ha Infinity Hall, Mooralong hei wow pynskem ya kiwa kitkaam wa thymme ka seiñ neibynta ka samoi yong u snem 2023-24.
Ha kani ka janmiet dawan emlang da u Rtn. Dr. K.S. Elangbam (MPHF) Major Donor, Governor Nominee 2023-24 kam u kongsan heiwa ya ka yalang da phiah ha ki ar bynta, chibynta wa da pynlai da u Rtn. Samehi Laloo (RFSM), Outgoing President Rotary Club Jowai 2022-23 katwa chibynta won da pynlai da u Rtn. Deibormi Toi, Incoming President Rotary Club Jowai 2023-24.
Kat kam ka dustur yong ka Rotary International, u Rtn. Dawan Biam da man u kam u Master of Ceremony wei kam wow kdar luti ya ki bynta wa chakhmat yong kani ka yachemlang da rwai ya ka National Anthem wei da pynbood won i pdiang burom ya u kongsan da u Rtn. D.F. Majaw (PHF), Director Club Service katwa ya ki kyntien pdiang burom da e na u Rtn. R. Nongtdu (RFSM), Director Vocational Service wei hawa kut won u Rtn. Dr. D.I. Kjam da pachat u ki kyntien khublei.
Ka Rtn. E.F. Gatphoh (MPHF) Charter President, Asst. Governor 2019-20 ha kani ka yalang da klam e mynsien ko ya ki para dkhot ka Rotary Club Jowai hajrong ka phang “Installation” katwa u Rtn. S.K. Lato (MPHF), Director Community Service 2022-23 won da batai u chaphang i yumut wa ka yurim yong ka Rotary Foundation.
U Rtn. Dr. K.S. Elangbam (MPHF) Major Donor, Governor Nominee 2023-24 hawa klam kam u kongsan ha ka thong yong ka Rotary International da ong u wa i ye u khriñ ya kiwi ki lok hapoh ka Rotary Club toh iwa emkaam bha khnang yow im, u neh u sah u heh u krai ka Rotary Club na ki snem cha ki snem.
Chooh chooh ong u wa kiwi de ki mat kiwa da dep booh thong ha uni u snem na ka Rotary International toh u thooh ki laad ki luti kammon u wanrah yei chongsuk chongsaaiñ hapyrdi ki jaitbru waphær wei wow pynkupbor leh ya ki kynthai ha ki liang waroh kamjooh leh wow kyntu kynrong ya i miat i bha ka imlang sahlang heiliang i puræ puthi, i chait i khiah wa kiwi ki kaam kiwa ka Rotary Club da e ko i chakri na ki por cha ki por.
Ka Rotary Club Jowai kam ka dak i sñiawngooh sñiawburom ya u Rtn. Montri Passah (MPHF) Past President 2021-22 ha kani ka yachemlang da pynman ko leh i pynkupburom ya oo wei ya kani ka bynta da pyndep da u Rtn. (Dr) K.S. Elangbam (MPHF) Major Donor, Governor Nominee 2023-24.
Kiwa kitkaam wa thymme ka Rotary Club Jowai neibynta ka samoi yong u snem 2023-24 toh hei yahkhmat u Rtn. Deibormi Toi kam u President wa u Rtn. J. M. Pohsngap (PHF) kam u Secretary toh u Rtn. S.K.Lato (MPHF) Vice-President, Rtn. Samehi Laloo, IPP, Rtn. R.E. Laloo, President Elect 2024-25, Rtn. Lakhon Laloo, Treasurer, Rtn. D.F. Majaw (PHF) Sergeant at Arms, Rtn. E.F. Gatphoh (MPHF) Foundation Club Trainer, Rtn. D. Biam, Director Club Service, Rtn. B.P. Najiar, Director Community Service, Rtn. M. Gatphoh, Director Vocational Service, Rtn. B. Lytan, Director International Service, Rtn. Montri Passah, Director Youth Service, Rtn. Dr. D.I. Kjam, Director Literacy Service wa u Rtn. R.Nongtdu, Director Bulletin Editor.
Discussion about this post