Ka seiñ All Jaiñtia Poultry Farmers Traders Association (AJPFTA) ha ka 7 tarik uni u bnai da pynman ko ya ka yalang yong kiwa ri wa kiwa khayi syiar na kylleiñ ki chnong ka East wa West Jaiñtia Hills District.
Ha katai ka sngi da yoh wow yaklam wei ya phyllu yumut hajrong kiwa boon ki kaam nadooh i eh wa chem kiwa ri syiar ka thaaiñ kiwa man ki tre ri, tre chnong wei leh i eh yong kiwa khayi wa ki Wholesaler heiwa ka seiñ da yatai sani bha ko hajrong ini i kaam wei da iwi i sur ka seiñ da rai ko wow ya krehlang hapoh ka lama ka Association khnang wa iwon iwon i eh iwa kiwa ri wa kiwa khayi syiar kiwa man ki tre jylla yachem lane maad ki wa daw ye wow pynbait deiwa ya ksohktilang.
Ha kani ka yalang, ka seiñ da jied wei pynskem ko leh ya kiwa kitkaam wa pura deiwa rai lang waroh kiwa wan chimbynta lang ha kani ka yalang kiwa man kamni ha wah:
President- U Westerly Syngkon
Vice President- U Ionis Lyngdoh
General Secretary- U Kyrshan Rymbai
Assistant General Secretary- Ka Dakaru Tang
Treasurer- U Pyrshang Biam
Assistant Treasurer- U Bahlam Sumer
Publicity Secretary- U Westcome Salahe
Assistant Publicity Secretary- U Shwari Ryngkhlem, wa 7 ngut ki dkhot ka EC.
Waroh leh kiwa wan chimbynta ha ka yalang da pynskem ya ki kam ki dkhot wa pura yong ka seiñ.
