Jowai: Ka Synjuk Waheh Shnong Ri Jaiñtia (SWSRJ) hapoh i yahkhmat u President yong ka Governing Body ka seiñ u Army Lipon, hei emlang u President ka East Jaiñtia Synjuk Waheh Shnong Ri Jaiñtia, u Satly Ryngkhlem, u Matheus Dkhar u Secretary ka Saipung Block Unit (SWSRJ) deilang wa ki kattu katni ki dkhot yong ka Governing Body, ha ka 27 tarik uni u bnai da yoh ki wow pynbam smai wei pynskem ya ki dkhot wa pura yong ka Saipung Sirdarship Circle Synjuk Waheh Shnong Ri Jaiñtia ha ka yung dorbar yong ka Saipung Dorbar Chnong.
Ya ka kaam pynsmai wei wow pynskem da chimkti da u A. Lipon wei ki dkhot man ki kamni ha wah:
President u Ziosiama Thianglai (Life Member SWSRJ), Vice President u Priceless Darnei (Waheh Chnong Saipung), Secretary u Varmingthanga Darnei (Waheh Chnong New Tlangmoi), Asst. Secretary u Rinoma Darnei (Waheh Chnong Situng), Treasurer u Zuala Nampui (Waheh Chnong Tlangpui), Finance Secretary u Lalpuirenga Ngamlai (Waheh Chnong Lira), wa kamwa 7 ngut ki dkhot wa da dep jied ha katai ka sngi.
Da pynsmai wei pynskem katkam ka Constitution yong ka Synjuk Waheh Shnong Ri Jaintia, wei ka por krehkaam yong kiwa chah jied toh 3 snem.
Da yoh leh ya ki ktien sneiñ, ktien kroo wa i kitbok kit rwiang na u President u A. Lipon.
Discussion about this post