U Wailadmiki Shylla uwa man leh u MLA ka 2-Jowai Constituency, hei miet ka 14 tarik uni u bnai da wan pynskem u ya kiwa kitkaam ka Unit Election Party NPP ha ka chnong Ialong neibynta ka Election yong u snem 2023 ha yung Club ka Seiñ Kur Pale wow pynkhlan ya ka Party wei ha kani ka sngi da em leh u waheh chnong wa u Secretary chnong wa kiwa kitkaam chnong kamjooh kiwa chong chnong wa ki manbei manpa ryngkat ki spah ngut kiwa wan u sakhi lang ha kani ka janmiet.
U Wailadmiki Shylla hawa e yei klam da ong u wa da wanrah u yei roi i paar kat iwa chah i bor yong oo hanla pynwit ka khlam COVID-19 ha ki ar snem na ki san snem.
Da ong u wa ha ki ar snem ym yoh de wow pyndep ya i angnood, ya i thrang ki paidbah kamjooh ya waroh ka 2-Jowai Constituency wei da yaleh u wow kreh chitom katwa ye wa lah u pyntoh pynbiang ya kiwa chong chnong ka Ialong deiwa kyrpaad leh ya ki paidbah wow e laad biang ya oo wow man kam uwa mihkhmat khnang wow ye u wow kreh neibynta ki kaam wa dang sahteiñ.
U Waheh Chnong ka Ialong, u T. Ram Phawa da e u ya ki kyntein wow kitbok kitwriang ya u MLA wow ye chooh chooh i chakri ya ki paidbah wa ki kaam pynroi wei da da sneiñ u leh ya kiwa chong chnong wow kyruiñ khmat ki cha i roi i paar kamjooh ya ka imlang sahlang khamtam heiyatoh wa ka chnong.
Neiliang u General Secretary ka Dorbar Chnong Ialong, u Masan War da e u ki kyntien pdiang burom ya u MLA kamjooh ya kiwa kitkaam ka Dorbar Chnong wa kiwa chong chnong wei khamtam ya kiwa kitkaam ka NPP.
U Assistant Waheh Chnong, u J. Pale da e u ya i kyntien e khublei ya waroh kiwa ya emlang ha kani ka yalang wei heijooh i por da pynkut ya ka yalang da u waheh chnong warim u Bishar Shylla.
Kiwa kitkaam man ki kamni ha wah:
President- U Bishar Shylla
Vice President- U Lehbha Phawa
General Secretary- U Determine Dhar
Assistant Secretary- U Morningstar Dhar
Finance Secretary- U Phomly Pale
Ki Dkhot
U Yomiki Phawa
U Ram Phawa
U Tony Phawa
U Mihsalan Dhar
U Lumhok Dhar
U Wotsly Shylla
U Pyntngenlang Dhar
U Daphailang Dhar
U Marbiangki Lyhuid
U Lakhon Dhar
U Budki Lyngdoh
U Pyndaplang Dhar
U Jawan Lyngdoh
U yomhasa Dhar
U Man Pale
U Rimi Dhar
U Living Mulieh
U Shembha Dhar
U Poisuk Dhar
U Treki Dhar
U Hamly Dhar
U Wiles Dhar
U Masan War
U Rihok War
U Sakhiat Pale
U Nika Dhar
U Monjur Dhar
U Mina Shylla
