Pynskem Unit ka NPYF 1-Nartiang sa ha ka chnong Mupliang

Ha ka 22 tarik uni u bnai, ka NPYF 1-Nartiang Constituency da yoh ko u pynskem ya ka Unit thymme yong ka ha chnong Mupliang deiwa wan kiwa boon ki khynroo chynrang wa kynthai yong ka chnong wow psiah cha kani ka chnat khnyroo ka NPP.

Neiliang u waheh chnong ka Mupliang da ong u wa ini i wan yong ka NPYF man ko kamwa pynkupbor ya ki khynroo yong ka chnong wow yoh ki u ya embyntalang ha ki kaam yong ka imlang sahlang.

U Chairman wa pynlai ya ka yalang uwa man leh uwi na ki waheh yong ka chnong da ong u wa ka chnong Mupliang toh kawa chaniah ha ki khynroo deiwa jied ki leh ya u waheh chnong da u khynroo wei na itæ i daw dap ki dei sñiawkmen wa wan ka NPYF ha ka chnong yong ki.

Neilang u President ka NPYF 1-Nartiang Constituency, u Damechwa Dhar da e u i yaroh ya kiwa kitkaam ka chnong Mupliang wa da e laad ki ya ki khynroo chynrang wa kynthai wow ya embyntalang ha ki kaam yong ka imlang sahlang, deiwa ong leh wa deiwa em ka NPYF ha kani ka chnong da man ko lakam wa em yung u ha kani ka chnong heiwa u yoh kreh neibynta i bha i miat yong ka chnong hi waroh kawi.