Ka United Democratic Party Jowai Circle ynne ka sngi hapoh i yahkhmat u Moonlight Pariat, President ka UDP West Jaiñtia Hills uwa man leh u kyrtong MLA ka UDP naka 2-Jowai Constituency da pynskem u ya kiwa kitkaam ka UDP Primary Unit Riatmulain Ladthalaboh hei emlang u Kitboklang Nongtdu, President UDP Jowai Circle, u Marki Mulieh (Ex-MDC), Vice President Jowai Circle, ka Slinda Syngkrem, Secretary UDP Women’s Wing West Jaiñtia Hills wa kiwi kiwi kiwa yahkhmat ka Party napoh ka UDP Jowai Circle.
Kiwa kitkaam wa da pynskem ynne man ki kamni:
- President- Jop Lato
- Vice-President- Darwin Gatphoh
- Secretary- Hubert Dkhar
- Assistant Secretary-Heimonmi Shylla
Da jied leh ya ki Executive Member kiwa 23 ngut.
Da yoh leh ya ki kyntien e mynsien na u Moonlight Pariat uwa da kyntu wow man ki kiwa kitkaam wa kreh chongchit neibynta ka Party wei wow man ki kiwa neh skem ha ka Party.
