Ka Khanduli Tourist Association haka 30 tarik u bnai wa dep da yoh ko wow pynskem ya ki wakreh kaam nyngkong dooh yong ka Association.
Kiwa kitkaam man ki kamni ha wah:
President: U Blessing Shadap
Vice President: U Niwell Dkhar
Secretary: U Barister Phyllei
Assistant Secretary: U Michael Talang
Treasurer: U Dei Lypon
Advisor: U Beril Bynnud, wa ki dkhot kamwa 25 ngut.
Ha kani ka sngi da em ka yalang deiwa bood ya ki kyndon yong ka sorkar khamtam kam ha kini ki por wa em ka khlam COVID-19.
Ya kini kiwa kitkaam yong ka Khanduli Tourist Association da pynskem da u Paila Kordor Lyngkot u President yong ka All Jaintia Tourist & Commercial Vehicle Association (Central Body).
U K. Rani (Second In-charge) ka Saitsama Police Outpost da man u kam u kongsan ha kani ka sngi.
Kiwa klam ha kani ka sngi kynthup ki ya u Yoshida Nongspung, Waheh Chnong ka Khanduli, u Paila Kordor Lyngkot, President ka All Jaintia Tourist & Commercial Vehicle Association, u Moon Phawa, Symbood Kongsan, u Blessing Shadap, President ka Khanduli Tourist Association, u Defend Lamare, Secretary ka Umplu, u Tyrshain Krem, Secretary ka Umshangiar wa u Paul Sumer, Vice President ka Mynsngat Tourist Association.
Ya ki kyntien e khublei da yoh na u Barister Phyllei uwa man u Secretary ka Khanduli Tourist Association.
