Ynne ka 19 tarik, ka Laskeiñ Block Unit ka Synjuk ki Waheh Shnong Ri Jaiñtia (SWSRJ) da pynman ko ya ka General Meeting yong ka ha Community Hall yong ka Dorbar Chnong Moolibang Shangpung heiwa da ya poi ryntih ki waheh chnong yong ka thaaiñ.
Kamtæ kiwa yahkhmat wa haphrang dooh yong ka Central Body ka Synjuk da wan sakhi ki ya ini i pynskem wei pynbaam smai ya kiwa ksohkaam deilang wa ki dkhot wa da dep jied wei pynthymme.
Da emlang u President wahehdooh yong ka Synjuk u A. Lipon hei ya emlang leh wa u General Secretary ka Central Body u B. Shylla.
Hachwa wow pynskem wei pynsmai, da yoh yei sneiñ i kyntu na u A. Lipon, President ya waroh lang ki para dkhot uwa da ong wa hawa man i kam ki waheh chnong ym toh u man kiwa tieñ næ kiwa randieñ hawa kreh yei bha ki chnong ki thaw haka imlang sahlang wa ha ki kaam i bha i miat salonsar khlem leh chilliang khmat yei yi yei yi.
Da yoh haroh wow yaklam phyllu yumut ya ki phang khrehkaam wa hakhmat dooh kam i thong yong ka Unit.
Kiwa yahkhmat kani ka Unit man ki kamni:
President- Nidamon Shullet
Vice President- Niawbait Ymbon
General Secretary- Sanki Lamare
Asst. General Secretary- Ramfelix Talang
Finance Secretary- Danny Shadap.
Wa kamwa 20 ngut ki dkhot wa pura yong ka (Executive Members).
Da e leh ya ki ktien sneiñ kyntu, kitbok kitrwiang ya ka Unit da u President yong ka Unit u Nidamon Shullet ha chwa wow pynwai ya ka yalang, pynkut ka kyrwoh na u Bishar Shylla, General secretary (SWSRJ).
