Pynskit kiwa kawang bol ka Bihar ya ka Meghalya deiwa pynjop da ka Innings wa 71 Run

Shillong: Kiwa kawang bol (Spinner) ka Bihar u Ashutosh Aman wa u Samar Quadri da pynjop ki ya Bihar da ka Innings wa 71 Run ya ka Meghalaya ha ka Ranji Trophy wa pynman ha MCA Cricket Ground ynne ha Shillong.

Ynnin ha ka sngi nyngkong ka Meghalaya da kamai ko 125 Run ha ka First Inning, heiwa ka Bihar da jubab ko da 80/2 hadooh wa kut ka sngi nyngkong. Ynne won ka Meghalaya da ye ko u pynhaap lut ki Wicket ka Bihar da 242 Run iwa tam da 117 Run, ka Meghalaya won hawa bat ko ha ka Second Innings da haap lut ki Wicket ko deiwa kamai du 46 Run heiwa ya ki 10 tylli ki wicket da pynhaap da ki ar ngut u Aman (6/17) wa u Quadri (4/24).

Hawa sdang ka yalehke hei step ka Meghalaya da pynhaap ko ya u Captain ka Bihar u Babul Kumar uwa kamai 43 Run da uwa kawang bol u Gurinder Singh da ka LBW. Ka Bihar hadien ini ym em de ye ko wow kamai boon deiwa haap ma haap ki Wicket ko wei hadien wa sah sa uwi u Wicket deiwa kamai 183 Run da wan u Aman (35 not out) wa u Quadri (27) kiwa da kamai lang 59 Run neibynta ka Wicket wa 10 kawa yarap ya ka Bihar wow pyntam da 200 run wei wow ieh ya ka Meghalaya da 100 Run tam.

Kiwa kawang bol wa da leh bha ya ka Meghalaya toh u Lakhan Singh uwa yoh 3/30, u Gurinder 3/81, u Aditya Singhania 2/83 wa u Abhay Negi 1/24.

Ka Bihar da pynemkaam ko da kiwa kawang bol Spin wei da pynemkaam ki ya u Vivek Kumar (Pacer) du 5 Over donhi.

Related posts

Daw pynkup burom ka MFA ya ka Alisha Lyngdoh wa ka Bonifilia Shullai ha ka Women’s Tri-Nations Tournament ha Shillong

October 19, 2025

Jop ka Daistong ha ka Final ka Women’s League, ka Sakhaiñ Mooliment ha ka 2nd Division ka SBSA

October 18, 2025

Ya ka Meghalay uwa kamai boon Run dooh toh u Gurinder uwa yoh 10 Run.

U Aman da pynkut u ya ka yalehke da 14/68 uwa man leh u khloor ka Bihar.

Ka Meghalaya ha ka 20 tarik uni u bnai u yachem ko waka Mizoram.