The Khasi Students’ Union da pynsñiaw ko yei ya tylli wa ki payu para Mizo kiwa em ha khappood waka Mizoram-Assam heiyatoh wa i ya kynaad pood hadooh wa poi chei mynsoo ki Mizo hadooh wa em kiwa mynsoo joor bha, heiwa ka KSU da ong ko wa da yoh yutip wa ya ini da leh da ki Bengali kiwa wan buhai chnong pyrchah yaka aiñ kiwa wan rah da ki wait, ki nar, ki dieñ na Assam yow psiah cha Assam kiwa da sdang wow dat ya ki Mizo khlem daw.
Ka seiñ da ong ko wa ini toh i rukom pyrkhat kiwa wan chong chnong pyrchah yaka aiñ wei i thmu yong ki toh wow knieh yabor ya ki thaw ki jaitbru ri-loom ka North East.
Da ong leh wa ha Meghalaya ini i leh pyrchah yei wan psiah kiwa na baar da em ko la 40 snem nadooh ka thma Bangaldesh ha u snem 1971 iwa da wanrah ya kiwa phet chnong wa kiwi kiwa chim kabu wow psiah chapoh ka jylla kiwa da pynman ya ki Khasi kam ki khian paaid hapoh sor Shillong. Wei ini da wanrah ko ya i yakhih wa boon wei da poi leh cha i dooh yei mynsien bru wa kordor.
Ka KSU da e ko yei kyrchaan cha ka Mizo Zirlai Pawl kawa em leh deilang hapoh ka North East Students’ Organization. Da yooluti wa ki Mizo u leh ki katwa ye yow yada yei thaw i khyndaw yong ki.
