Ynnin ka sngi, u Pradip Kumar, uwa man leh kam u IG ka BSF Meghalaya Frontier da yachem u wa u Lat ka jylla Meghalaya, u Phagu Chauhan ha Raj Bhavan, Shillong.
Ha ini i yachem u IG ka BSF da pynsñiaw u heiyatoh wa i eh i khor wa yachem heiyatoh wa u pood ka jylla wa ka Bangladesh.
Da khana u leh ya ki kaam wa da leh ka BSF wow yada ya u pood ka ri wei wow yakhun pyrchah ya i khayi pateiñ cha chiliang pood iwa man pyrchah aiñ.
Heijooh i por da pynsñiaw da khana u ya ki kaam wa da leh ki chipai BSF wow wanrah yei sñiaw chngaaiñ ki paidbah wa chong chnong ha khappood wa ka Bangladesh.
Ha ka 20 tarik won, u Chief Justice ka Meghalaya, u Sanjib Banerjee leh da lai yachem u wa u Lat ha Raj Bhavan.
Ha ka 20 tarik hi, u Lat da yachem u leh wa kiwa kreh ka Raj Bhavan yow sñiawthooh ya ka imlang sahlang hapoh ka jylla kamjooh i khih i khan ki bru deiwa kyntu ya ki wow ya krehlang neibynta ka Raj Bhavan yow myntoilang ki paidbah ka jylla.
