Ka Jowai City YMCA dei kyrchaan ka yung krehkaam ka District Social Welfare Officer Jowai, ha ka 4 tarik uni u bnai da chim ko ya ka laad wow pynman i pynsñiawthooh paidbah hajrong i emkaam wow yoh yei chait i khiah hei bor pyrkhat pyrdaiñ khnang yow ye u yada nei thmu pynyap ya idæ.
Ya kani ka yalang pynsñiawthooh da pynman ha Auditorium ka District Library, Jowai deiwa wan chimbynta ki khynnah skur na ki skur waphær waphær.
Da yoh i klam pdiang na u John R Chullai, President Jowai City YMCA, i klam na u Shamir J. Thabah, Regional Secretary YMCA NER wa i klam yahkhmat na ka Y. Najiar, DSWO West Jaiñtia Hills.
Neitæ ka kongsan yong kani ka sngi won ka A.P. Syiem, District School Education Officer, West Jaiñtia Hills District hawa klam ong ko i kjut hei bor pyrkhat pyrdaiñ ymtoh kam ki jait kjut wa boon wa ye u chem smat yow ye u sumaar, tangwa kawa ye u chem jai pa jai ha u næ ka bru wa kynthup kam ka Depression, Anxiety, i chong samen samen, i tieñ wa kiwi kiwa man ki dak wa khian wa ye u chem ha ki bru wa chah ktah hei chait i khiah i bor pyrkhat wei i wym ye u chem heipor wa smat.
Wei ha ka juk katni lada toh ki khynnah næ ki waheh leh boon kiwa maad ya ka Depression næ i khia pyrkhat wei diaw mynsien ha ki dur ki rukom waphær hanla ym ye u tipmit leh. Kamjooh wot hei im kam ki khynnah skur leh heiyatoh wa i puræ puthi khamtam heipor Exam wa kiwi ki daw.
Kamtæ kyntu ko wa hawa maad kam ini toh u parom u khana, u yachem yaklam khnang yow lait i u heh.
Ki bru chemphang wa da wan wow e i batai bniah hajrong kani ka phang toh u Ewanmio Majaw wa u Dr. E. Dan.
Ha kani ka sngi da saam leh yaki Certificate cha ki khynnah skur wa jop hei yakob dro dur.
Neitæ da yoh i klam e khublei na u Rev. K.L. Khonglah u dkhot ka Jowai City YMCA, wa i duwai pynwai na u Rev. G.S. Shullai, General Secretary Jowai City YMCA.
Discussion about this post