Jowai : Ka District Legal Services Authority, West Jaiñtia Hills District, Jowai ynne ka 1 tarik da leh warom ki ya ka International Senior Citizen’s Day deiwa pynman ya ka yalang deiwa khut lang ya kiwa chong chnong ka District wow em bynta ki.
Ha kani ka sngi da pynbna cha ki waroh kiwa emlang chaphang ka aiñ Maintenance and Welfare of Parents and Senior Citizens act 2007 da u C.S. Kyndiah (Advocate) u wa ong wa kani ka aiñ toh ka wa da chna kyrpang ya ki wa chong chnong wa da em 60 snem i rta cha neiñ.
Kani ka aiñ toh ka wow pynyoh yei hok kiwa da heh rta wow yoh ki i yarap na ki khon ki kti ki kamjooh leh kiwa em yatoh wa ki. Ini ye i u jia lada chah beh ki na yung kamjooh chah pyndooh baam, pyndooh dawai heipor wa kjut wa kiwi kiwi, ye ki u yachem wa u SDO namo u First Class Magistrate heiwa nyngkong u phah u ya u Conciliation Officer u wow pyrchang u wanrah yei sñiawthooh yumut ha pyrdi ki khon namo kiwa em emyatoh wow pynbiang ki ya ki waheh wei lada ym ye u Conciliation Officer u wanrah ya ini, u Magistrate ye u wow e da ka hukum cha ki khon ki kti kamjooh kiwa em yatoh wow pynbiang baam, thaw sah wa kiwi kiwi wei ye leh u pynchitom hadooh wow kset patok ya kiwa ym bood ya kani ka hukum.
Neiliang ki wa da heh rta kiwa em ha kani ka sngi da pynsñiaw ki ya i eh i khoo yong ki nadooh i por wa lai ki cha ki bank, ki hospital, wei neiliang ki bor district da kular ki wow chimkhia ki u pait yeini.
Ha kani ka yalang da emlang leh u Chief Judicial Magistrate u F.S. Sangma, u SP ka WJH u R. Muthu, u S.C. Laloo wa kiwi kiwi.
Da pynkut ya kani ka yalang da ka yakop Extempore Speech heiwa da chim bynta chongchit kiwa boon.
Discussion about this post