Ka Meghalaya State Legal Services Authority (MLSA) deiwa ya krehlang wa ka National Domestic Workers Movement (NDWM), Shillong da pynman ki ya ka yalang pynsñiawthooh heiyatoh wa ka aiñ namo ka Legal Awareness Programme kam chibynta ka “Pan India Awareness & Outreach Programme” kawa man leh kam chibynta ka “Azadi Ka Amrit Mahotsav” waka “World Day for Decent Work” neibynta kiwa lai kreh mylla cha ki yung bru kawa da pynman ha ka 7 tarik uni u bnai ha Ferrando Transit Shelter Home Mawlai, Shillong, East Khasi Hills District.
Ha kani ka yalang da embynta wa kiwa lai kreh mylla cha yung ki bru kiwa na Mawlai wa kiwi de ki dong wa em chajan.
Ki bru chemphang ha kani ka sngi ha ki kaam wa yatoh wa ka aiñ kynthup ki ya u T.T. M. Sangma, Officer on Special Duty, MSLSA, ka Daisily Thangkhiew wa u Banker-la-i-dor Sten, Legal Aid Counsel, ka Angela Rangad, Social Activist, TUR kiwa da klam ki hajrong i hok manbru namo ki Fundamental Rights hapoh ka Article 14,15,19 deiwa ban joor yei emkaam wow yoh u im deiwa emburom, i hok wow yoh i su i tda wa biang wei da pynche leh chaphang ki aiñ Juvenile Justice Act, POCSO Act, Child Marriage, Free Legal Aid, Labour Laws wa ka Protection of Women from Domestic Violence Act 2005.
Da yoh leh yei ya phyllu yumut wei yaklam hajrong i chem ki wakreh kaam yung nadooh i wym yoh kreh, i kreh boon kynta, i duna i nong sngi, duna ki kari kamai sorkar, i yoh yarap hawa kjut wa chitom wa kiwi de wa maad ki neidaw wa em ka Lockdown ka khlam COVID-19.
Ha kani ka sngi da saam leh ya ki marbaam cha kiwa embynta da ka National Domestic Workers Movement (NDWM), Shillong deilang waka Meghalaya State Legal Services Authority.
Ka MSLSA da pynman ko leh ya kam kani ka jooh ka yalang ha Meghalaya Institute of Mental Health and Neurological Science (MIMHANS) ha ka 8 tarik uni u bnai kam chibynta ka World Mental Day yow khana yei hok ki bru wa chitom hei bor pyrkhat.
Ha ka 5 tarik da pynman ya kam kani ka jooh ka yalang ha Lapalang, Shillong neibynta ki wakreh mylla ha yung bru.
Ha ka 6 tarik won da pynman neibynta ki LGBTQIA yow pynche yei hok yong ki khamatam heiyatoh wa ka hukum ka Supreme Court wa ka Delhi High Court, kamjooh i yada wa da e hapoh ka Transgender (Protection of Rights) Act, 2019. Ya ini da leh deiwa ya krehlang waka Lamjingshai Manbha Foundation waka Shamakami, Shillong heiwa ya ka yalang da pynman ha Shillong Law College, Shillong.
Ha kani ka sngi da yoh leh yei klam naka R. Subba, Founding Member ka Shamakami kawa da klam yei hok ki Transgender wa i eh i khoo wa da maad ki ha ka imlang sahlang.
Da yoh leh yei khana na K. Tron, wa mihkhmat ya ki jaitbru waphær wa da khana kammon chah leh chilling, wei chah yoobeiñ ki ha ka imlang sahlang.
