Ka chnat pulit hapoh i yahkhmat u Officer In-charge ka Jowai Police Station, West Jaiñtia Hills District, u S. Mannar ha ka 17 tarik uni u bnai da pynman ko i pynsñiawthooh paidbah ha laad Iawthymme, Jowai heiyatoh i maa i drugs ya u bru wa dih, wa kamjooh leh yaka yung ka sem waka imlang sahlang hi waroh kawi.
Deilang wa ki pulit da pynsñiawthooh paidbah deiwa ya krehlang waka MCSWA Jowai.
Neiliang u OC hawa pynlai ya ka yalang da kyntu haroh u ya kitu kiwa da ngop wow sñiawbha ki u lai li mih dih dawai cha ki thaw e sumaar khnang yow lait nei chah kdoh chah khoom hei drugs.
Uwi u dkhot ka MCSWA, u H. Syngkon hawa phla yei lai luti yong oo kam uwi wa da lait nei drugs, kyrpaad u ya ki paidbah wym hoi hi wot tang u tba yow drug neibhah chisien wa ngat da khor u lait, wei wow man leh ki bru wa skem yumut dei wow ong ahoh yow drug.
Kiwi won wa e i klam kynthup ya ka D. Challam napoh ka MCSWA waka OC ka Women’s Police Station, ka Ibashisha Kharpran.
Hadien ini da em leh i saam kot lakdop cha ki paidbah wa lai wa wan iwa da thoh kyrpang yei maa wa mih nei drug, neitæ ki dak ki chin chwa wow kyrni drug, kamjooh leh i kaamram wa kam ki bei ki pa, kiwa sikai wa ki khynnah toh u leh ki yow yakhun pyrchah.
