Ka Khliehriat Police Station ynnin ka sngi da pynman ko ya i pynsñiawthooh paidbah namo ka Awareness Programme On Drugs Abuse and Illicit Trafficking ha chnong Moopala, East Jaiñtia Hills District.
Ya kani ka pynsñiawthooh da pynman dei yakrehlang wa ka District Social Welfare Department, Oral Substitution Therapy (OST) Khliehriat.
Ki bru chemphang wa e yei klam ha kani ka sngi kynthup ki ya u Officer-in-Charge ka Khliehriat Police Station u W. Nongtdu, u Dr. J. Nongtdu na ka OST Center Khliehriat, ka Rinibeth Patlong Programme Manager Mihmyntdu Community Social Welfare Association (MCSWA ) wa na ka District Social Welfare Officer ka R. Passah hei emlang u waheh chnong wa kiwi kiwi.
Ha kani ka sngi da pynsñiawthooh ya ki khynroo khyllood hajrong i maa wa mih nei pynemkaam bakla ya i drugs, ki jait drugs wei da e leh ya ki kyntien kular wow kiar wei wow pynsñiawthooh ya kiwi wow jngai ki na i drugs.
