Pynsñiawthooh paidbah ka SEDS ya ki kyndon aiñ POCSO wa ya ka hok yong ki kynthai wa ki khynnah

Khliehriat: Ka Socio-Economic Development Society (SEDS), Khliehriat deiwa ya krehlang wa ka chnat District Child Protection Unit, Khliehriat haka 12 tarik uni u bnai da pynman ko yaka yalang pynsñiawthooh ya ki khynnah skur yong ka KB Memorial Sec. School, Wapung hajrong ki kyndon aiñ yong ka Protection of Children from Sexual Offences (POCSO) Act, 2012 wa hajrong ki hok yong ki kynthai wa ki khynnah.

Ha kani ka sngi, ki bru chemphang kiwa e yei pynche toh u Teibor Kyndiah, District Child Protection Officer, Khliehriat wa ka R. Nongkynrih ka Sub-Inspector yong ka Women Police Station, Khliehriat.

U Teibor Kyndiah, ha kani ka sngi da batai wei pynche u hajrong ki kyndon aiñ yong ka Juvenile Justice Act, 2015 wa ki khynnah kiwa 18 snem chapoh yow tip ki wa em ka aiñ ya ki khynnah kiwa leh ya ki kaam pyrchah yaka aiñ.

Da kyntu u ya ki khynnah wa ki toh u man ki kiwa emakor haka ktien ka thylliej, haka lai ka wan wei wow ksoh yaka akor ka burom ha waroh ki bynta, da ong u leh wa lada em kiwon kiwon wa pyrchang wow pynjakhlia ya i pyrkhat, ym toh wow ap wei u man ki kiwa chlur wow pyntip ya kiwa ha yung ha sem. Da pynchlur u leh ya kiwa sikai wa ki toh u hikai ki ha skur wow man ki kiwa laitlooid wow klam yeiwa sakhiat katkam ka juk ki khynnah wa katni khnang wow wanrah ya ka imlang ka sahlang kawa bha wa miat yow lait ki u kylla cha ki kaam wa sih.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka R. Nongkynrih, Sub Inspector yong ka chnat pulit Women Police station, Khliehriat, da e ko yei pynche hajrong ka aiñ POCSO wa ki kyndon aiñ kiwa khlan kiwa yatoh wa kiwon kiwon kiwa leh ya ki kaam thombor lane kiwon kiwon ki kaam kiwa ktah ya i pyrkhat pyrdaiñ yong ki khynnah kiwa dang 18 snem chapoh.

Da ong ko wa ki kyndon aiñ yong ka POCSO toh ki wow yada yaka hok yong ki khynnah. Da kyntu ko ya ki khynnah wa ki toh u tip ki wow pynemkaam ya ka aiñ POCSO kam ki tiar wow yada ya ki.

Da emlang leh ha kani ka sngi ka Dahun Pala (ka muktiar ka Khliehriat Bar Association) wei yaka yalang da pynlai da u Deibormi Syad, President yong ka SEDS, Khliehriat.