Jowai : Ka Jowai Ladrymbai Tourist Taxi Association hadien wada dep ko u Register ya ka Association yong ka wa em u Registration No. 1555 da sdang ki wow pyndait ya u sticker Jowai Ladrymbai Tourist Taxi Assocoation (JLTTA) nadooh 04 Naitung (April) 2016, da pyntip ko chaki paidbah khamtam ki passenger wa ka stand wajooh em ha Yaw Thymme, Ladthadlaboh da rah cha Yaw wa rim khnang yow pynsuk ya ki paidbah. Ka bai kari man ko kamjooh hi T. 50.
Kani ka bai kari toh nadooh na Jowai cha Ladrymbai wei u chong nadooh na Yaw wa Rim chadooh Lad Rymbai.
Kamjooh leh kitu kiwa emkaam ha Yaw Thymme ye ki u chong na Yaw Thymme hi kiwa emkaam ha Yaw wa Rim ye ki u chong pyn na Yaw wa Rim (Iawmusiang) kawa em hajan ka Stand Nartiang mar jan ka Police station Jowai.
Neiliang ka seiñ kwah ko leh u pyntip paidbah wa ka Association u pynsuk ko ya ki kiwa chong kari hei dor i jooh.
Kamtæ kyntu ko ya ki paidbah wa kini ki ar stand u em kari ki nadooh 6:30 i step hadooh 4 waje i janmiet.
Ka seiñ da ong ko leh wa lada chem ya kiwa yah wow chim ki palat yei dor wa da booh, kiwa klam khlem akor, kiwa muaid wa kiwi kiwi wow sñiawbha u phone ha u President u ma W. Dkhar ha u No. 9612712137 næ ha u adviser yong ki u Pillarstone Phawa ha u No. 8256971418.
Discussion about this post