Jowai: Ka Result ka Higher Secondary School Leaving Certificate (HSSLC), 2019 (Science Stream) ka Meghalaya Board of School Education (MBOSE) wa pynbna ynne ka sngi kawa yaleh 2634 ngut ki khynnah wa kynthup ya ki Regular wa Non-Regular da poi ka Pass Percentage 71.07% iwa hiar naka Pass Percentage wa 74.58% ynnin u snem.
Na kiwa yaleh Regular, ki chynrang da poi ki 1580 ngut wei da Pass 1166 ngut wei da yoh First Division 426 ngut wei ka Pass Percentage da poi 73.80%.
Na kiwa yaleh Regular, ki kynthai da poi ki 1765 ngut wei da Pass 1300 ngut wei da yoh First Division 595 ngut wei ka Pass Percentage da poi ko 74.03%.
Neiliang ki District, kiwa boon dooh kiwa yaleh toh na East Khasi Hills kiwa da poi 1969 ngut wei kiwa Pass da poi ki 1587 ngut katwa kiwa duna dooh toh na South West Garo Hills heiwa kiwa yaleh da em ki 17 ngut wei da Pass 13 ngut. Katwa ha ka Pass Percentage da tam ka Ri-Bhoi kawa yoh 91.67% wei kawa duna dooh toh ka North Garo Hills kawa yoh 45.59%.
Ha uni u snem kiwa yoh 1st Division da em ki 1028 ngut katwa ha u snem 2018 da em ki 1134 ngut.
Na ki 70 tylli ki skur hapoh ka jylla wa phah khynnah wow yaleh HSSLC da em 7 tylli kiwa yoh 100% Pass Percentage.
Haka Top 10 Merit List, 8 ngut ki khynnah ka St. Anthony’s Higher Secondary School, da em pyrtuid ki ha kani ka List wei na Jowai ka North Liberty School da yoh ko ya ka kyrdan wa le wa kyrdan wa 8 katwa ka KJP Synod Mihngi Higher Secondary School, Jowai da yoh ko yei kyrdan wa 6.
Discussion about this post