Shillong: Ynne ka sngi ha ka sngi nyngkong ka U-19 Cooch Behar Trophy hapyrdi ka Meghalaya waka jylla Mizoram, ka Meghalaya da pynkut ko ya ka sngi nyngkong deiwa khlan bha.
Ka Mizoram hadien wa jop ko ha ka kylla khlem da rai ko wow Bat chwa ha ka yakhun wa pynman ha Dibrugarh, Assam, tangwa da yoh ki du 53 Run heiwa uwa kawang bol u Aryan yong ka Meghalaya da yoh u 5 wicket deiwa chah kamai 12 Run wei da pynbood won da u Abhishek uwa da yoh 3 Wicket uwa da e 24 Run wa u Bipin uwa yoh 2 Wicket deiwa e 6 Run.
Ka Meghalaya won da yoh ko 215 Run deiwa haap 7 wicket, wei da tam ko 162 Run heiwa u Ankit Kumar Singh da yoh u 88 Run wei da pynbood won sa u Swastic Chettri uwa da yoh 67 run.
Ha ka Ranji Trohy won mynstep ka Meghalaya daw yakhun ko ha Meghalaya Cricket Association Ground pyrchah ya ka Nagaland. Ka Meghalaya duna bha ki sngi wow yoh ko u chong ngiah neibhah ka yakhun wa ka Puducherry da man ko kawa ym em wa jop ha ka 15 tarik uni u bnai wei u sdang biang ko wow yakhun biang hapoh jylla.
Discussion about this post