Pynthut ka Mamata hawa lai kynreh ya ka poisa wa mih nei chalan tooh ya u mooyong: Enforcement Directorate

Ka Enforcement Directorate (ED) ka sorkar India, ynne da pynman ko yei lai kynreh katkam ka FIR wa da booh da ka CBI Kolkata kawa em tarik 27-11-2020 pyrchah ya u Anup Majee wa kiwi de.

Hei takit da chem wa da em i khayi tooh ya u mooyong wa yahkhmat da u Anup Majee heiwa da tooh wei tih ki ya u mooyong pyrchah ya ka aiñ na ka ECL kawa man kam kawa em ya ka Lease ha ka thaaiñ West Bengal wei ya uni u mooyong da lai dai cha kiwa boon ki karkhana wa em ha Bankura, Bardhhaman, Purulia wa kiwi de ki District ka West Bengal.

Ka takit da chem leh wa uwa boon na uni u mooyong da dai cha ka Shakambhari Group of Companies. Chooh chooh da chem wa em ki Hawala Operators kiwa pynlai ya ka poisa wei uwi na ki da yarap u wow pynlai da ki phaw klur tangka cha ka Indian Pas Consulting Private Limited (IPAC) kawa man ka poisa kawa mih nei chalan tooh ya u mooyong. Wei kini ki bru wa leh Hawala toh kiwa dadep chah kynreh hapoh ka aiñ Prevention of Money Laundering Act wei kani ka IPAC leh man ko kam kawi na kawa yoh ya kani ka poisa.  

Kamtæ ynne ka sngi da lai pynman yei kynreh ha 6 tylli ki thaw ha West Bengal wa ha 4 tylli ki thaw ha Delhi. Heipor wa dang kynreh, u Deputy Commissioner of Police ka South Kolkata wa u Officer In Charge ka Sarani Police Station da wan cha kawi na kini ki thaw deilang wa uwi u pulit yow pyntikna ya kiwa kreh ka ED heiwa u Commissioner of Police leh da psiah u cha ini i thaw deilang ki sahep ka Kolkata Police heiwa da khana ya ki yeiwa leh da u Authorized Officer uwa da pynyoo leh ya ka ID u.

Related posts

Yoh chithi thung kreh ki 76 ngut yow man kam ki Sub-Inspector | Palat 21000 ngut kiwa pyndap yaleh kreh

January 9, 2026

Daw sdang noh ya ka karkhana chna Mobile Phone ha Assam: Himanata

January 9, 2026

I kynreh da man i iwa lai bait hadooh wa wan ka Chief Minister ka West Bengal, ka Mamata Banerjee deilang wa kiwa boon ki pulit wei da psiah ko cha yung u Prateek Jain wei da chim ko ya ki sabut kiwa man da ki kot ki sla wa ki tiar Electronic Device.  

Hadien ini ka CM da lai ko deilang kiwi da ki kari cha ka Office ka IPAC heiwa ka Mamata deilang wa ki bru ko chirup wa ki pulit ka jylla da rah yabor ya ki kot ki sla wa ki tiar Electronic Device.

Ka Enforcement Directorate da pyntip ko wa yeini waroh da leh hapoh ka aiñ Prevention of Money Laundering Act wei ym em da mang wow leh yeini ha kiwon kiwon ki thaw wa man ki yong ki Political Party wei ym em hi leh lai kynreh ya kiwon kiwon ki Office ki Political Party wei ini wa leh ym em yatoh i wa kawon kawon ka Election wei man ko du wow khanglaad yei pynlai tooh ya ka poisa wei da leh yei lai kynreh katkam ki kyndon ka aiñ.