Jowai: Ka seiñ Hynniewtrep Achi’k National Movement (HANM) East Jaiñtia Hills District ynnin ka 20 tarik da pynman ko ya ka yalang kawa pynlai da u President thymme yong ka u Lukas Dkhar, Ladrymbai Circle, heiwa da pynthymme ya kiwa kitkaam.
Ki dkhot ka seiñ kamjooh u President, ki Secretary kamjooh kiwi kiwi da e khublei ya u Blai uwa wa da lai bait ka luti yong ka seiñ cha khmat, kawa man kam ka dak ka chin wow khreh neibynta ka jaitbru waroh.
Kiwa kitkaam wa thymme yong ka HANM, EJHD toh u Lukas Dkhar u President ka Ladrymbai Circle, Secretary ka Circle u Distar Dkhar, u Sto Siangshai kam u Vice President, u Shibun Dkhar kam u Sports Sectary wa u Royal Dkhar kam u Finance Sectary.
U Borme Ryngkhlem da kitbok kitrwiang u ya waroh nadooh ki dkhot kamjooh ki Secretary wa u Blai yow kyrkhu u ya waroh yow ye u tia chaphrang wei yow im slem ka HANM wei yow im slem leh ka jaitbru.
Discussion about this post