Jowai: Ka Jaintia Youth Federation–Central Body, da yoh ko wow pynskem ya kiwa kitkaam wa pura yong ka ha ka 19-08-2019 neibynta u snem 2019-21 ha yung krehkaam ka seiñ kawa em ha Mookyrdup, Jowai. Ha kani ka sngi u D.L. Rymbai, uwa man u President warim ka seiñ, da chim u ya ka bynta wow pynbaam smai ya kiwa kitkaam wa thymme yong ka seiñ. Katwa u L.D. Lakiang, Founder President, da chim u yaka bynta wow ah ya u Cake i dap 15 snem yong ka seiñ.
Chwa wow pynbaam smai ya kiwa kitkaam wa thymme ka seiñ, u D.L. Rymbai da e u ya ki kyntien sneiñ kyntu ya kiwa kitkaam wow yah luti ya ka seiñ ha ki kaam kiwa bha, we em burom akor wei khamtam dooh wow e kti lut neibynta ka yap ka im ka ri waka jaitbru.
Neiliang u L.D. Lakiang (Founder President) da batai tbian u yaka parom ka seiñ wei da batai bniah u leh ya ka yurim ka seiñ JYF. Da e u leh ya ki kyntien sneiñ kyntu kynpham wei da kyrkhu kyrdoh u leh ya kiwa kitkaam wa thymme. Chwa wow pynkut u ya i klam da ong u wa i chakri ya ka ri wa ka jaitbru ym toh kawa suk. Daw hap wow maad chiboon ki eh, ki moochynthut wa ki yaleh wei ym toh u dooh mynsien næ dooh kyrmen.
Khaddooh da yoh yei klam na u President wa thymme uwa da ong wa emkaam wow man kiwa ya tylli wei da khut u leh ya i yakrehlang waroh ki dkhot warim yong ka seiñ la em ki ha kawon kawon ka thaw wa i kreh wa ki u sñiawbha ki wow emlang wa ka seiñ.
Ha kane ka sngi de emlang leh kiwa yahkhmat ka Jaintia Student Union (JSU-CB) nadooh u General Secretary u J. Shylla, Publicity Secretary u T. Mukhim wa kiwi kiwi kiwa yahkhmat ka seiñ.
Da em lang leh ha kani ka sngi da ki dkhot warim ka JYF ki wakreh ha ki chnat sorkar waphær waphær.
Ha chwa ini waroh da pynman yaka suki kiaw kawa 2 minit kam ka dak wow kynmoo warom ya u President warim u (L) Poipynhun Majaw.
Kiwa kitkaam wa thymme yong ka JYF-CB man ki kamni ha wah:
President- O.L. Tariang
Vice-President- J. Pala wa u M.S. Ryngksai
General Secretary- N. Rymbai
Joint Secretary- S. Pajuh
Finance Secretary- F. Rymbai
Publicity Secretary- L.K. Rymbai
Sports Secretary- T. Phawa
Organising Secretary- K. Lapasam
Asst. Organising Secretary- S. Ryngkhai
Education Secretary- B. Chyrmang
Environment Secretary- D. Lyngdoh
Socio Economic Secretary- M. Amkhloo
Art & Culture Secretary- K. Rymbai
Ini toh katkam wa pyntip da u Joint Secretary u S. Pajuh.
Discussion about this post