Ka Kiang Nangbah Government College Students’ Union (KNGCSU) ynnin ka 10 tarik da pynman ko ya ka Election yow jied ya kiwa ksoh kaam wa thymme neibynta ka samoi krehkaam 2025-26.
U John Jefferson Synnah da chah jied u kam u President katwa u Pynkmenlang Suchiang kam u General Secretary wa thymme kani ka seiñ kiwa lai puræ kani ka College.
Ya kiwa jop da pynbna da u Returning Officer ka Kiang Nangbah Government College Election, u Hercules Toi uwa man leh u Principal In-charge heiwa ya ka niaw Vote wa i thap Vote da pynman ha ka jooh ka sngi ka 10 tarik uni u bnai.
Waroh kiwa jop kiwa jop Election da em ki 12 ngut kiwa daw ksoh ya jar jiar ki kaam kiwa man kamni.
1. President – John Jefferson Synnah
2. Vice President – Ardern Aronn Manner
3. General Secretary – Pynkmenlang suchiang
4. Assistant General Secretary – Heisahimi Dkhar
5. Students Editor – Endrison Salahe
6. Secretary Cultural and Affairs – Hunbha Pala
7. Secretary Debate and Symposium – Lewakani Nongtdu
8. Secretary Indoor Games and Sports – Nickson Lapasam
9. Secretary Outdoor Games and Sports – Shan I Damei Shadap
10. Secretary Social Service – Refinestar Lyngdoh
11. Secretary Boys’ Common Room – Shainmi Lano
12. Secretary Girls’ Common Room – Teinami Suchiang
Ya kini kiwa kitkaam wa thymme da pynbaam smai da u Returning Officer, u Hercules Toi deiwa emlang kiwa sikai.
Neiliang yong u President wa General Secretary da e khublei kyrpang ki ya ki para wa lai puræ wa da jied ya ki kam kiwa yahkhmat ka Union wei da kular ki wow kreh chitom wei wow booddien ya ki kaam wa dang sahteiñ najrong kiwi de ki kaam yong ka College wei da kyntu ki leh ya ki para wa lai puræ wow ya krehlang dei mynsien wa yatylli khnang yow yoh yei angnood ka Union wa ka College waroh kawi neibhah ka Kiang Nangbah College toh ka budloom ki khynroo khyllood wa lai puræ ka ri-loom Jaiñtia chaniah ki.
Discussion about this post