Ka Khasi Student Union Barato Unit ha ka 12 tarik uni u bnai da pynthymme biang ko ya ki Signboard wa ki dak ki chin ha tymbud ka wah Mynriang nadooh Chem Um hadooh Thwai Chyrngan.
Ka seiñ da kyntu ko ya ki bru kiwa najan najngai kamjooh kiwa khwe wow burom ya ki kyndon wa ka seiñ da khang pyrchah ko wei da kyntu ya waroh u ya krehlang neibynta u yada ya ki um ki wah khnang yow man i kyrkhu ya ka pateiñ yong i.
Ka KSU Barato Unit da pyntip ko cha waroh wa ka thwai Thlunar kawa em haneiñ yingkieñ Tyrsoo ym chah u khwe næ u tong doh nadooh ki snem wa dadep neidaw wa da pynman ya ka kam ka thaw wow pynneh pynsah ya ki dakha ki dohum (Fish Sanctuary).
Ka seiñ da khang pyrchah ko u pynyap dakha da ki rukom wa boonjait kam dei bær dawai bih, Dynamite, jaar, musari wa kiwi ki rukom.
Da chah du wow khwe donhi ha ki thaw wym em khang wei da pynkynmoo leh ya ki lok ki jor kiwa na kiwi ki chnong ki thaw wym chah u lai khwe deiwa sahmiet khlem da em ki tre chnong, da khang pyrchah leh u noh yei jakhlia cha rood um kam ki klong ki Plastic wa kiwi de.
Ka seiñ daw leh ko deiwa eh ya kiwa leh pyrchah yeiwa da booh kamjooh ya kiwa rah næ pynsñiaw ya ki khubor thok, kamtæ da kyrpaad ya ki paralok waroh wow sñiawbha u ya krehlang.
Discussion about this post