Pynthymme ka KSU Nongbareh Unit ya kiwa ksoh kaam

Jowai: Ynnin ka 15 tarik, ka Khasi Students’ Union Nongbareh Unit da pynthymme biang ko ya kiwa kitkaam wa pura yong ka neibynta u snem 2019-2022.

U Rapborlang Nongrum uwa man u Publicity Secretary ka KSU seiñbei hawa klam haka yalang pynsmai yaki dkhot da ong u, “Wow kit wow bah yaka jaitbru toh ka kamram kawa hap kreh i khlem yohnong lane khlem yooluti wa iyi ka KSU u e ko ya phi lane kayi kawa ka jaitbru u e ko ya phi, tangwa man ko ka bynta ka yong phi wow yarap ya ka jaitbru katwa ye i bor yong phi.”

Hawa kyruiñ cha i duna yong ki khynroo wa mih wa chakri yaka jaitbru da ong u, “Ki khynroo katni duna ki chiboon kiwa mih wow kit wow bah ya ka jaitbru, lada i pait i hapoh Shillong wa cha ki khap sor leh i yoo i wa boon kiwa da mylliñ yaka mynsien wow chakri yaka jaitbru ym toh de kam haki por kiwa nachwa.” 

Chooh chooh da ong u wa i booh yaki Unit yong ka seiñ ha kylleiñ ka bri u Ynñiawtrep wa cha baar leh ym mut du wow pynboon paaid næ pynboon Unit, tangwa i thmu wa kongsan toh wow pynmih yaki khynroo ki wow chakri yaka jaitbru ki wow pait yei ma iwa yang yaka ri waka jaitbru waroh kawi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Katwa u Laitphar Syngkrem, President ka KSU War Jaiñtia Circle hawa e yei klam haka yalang da ong wa ka por wa katni ym toh de wow pynjoor boon da ki ktien, tangwa da toh i por wow pynjoor rap boon da ki kaam.”

Kiwi de kiwa klam kynthup ya u Garland Shadap Manner General Secretary ka KSU JHDU, u Thirteen Sumer Asst. Secretary Chnong ka Nongbareh wa kiwi kiwi.

Kiwa chah pynsmai kam kiwa yahkhmat wa thymme ka Nongbareh Unit toh u Balajied Pohlong kam u President, u Ksanbor Pohtam kam u Vice President, u Subha L Rymbui kam u General Secretary, u Kolet Tang kam u Asst. General Secretary, u Fullmoon Pohlong kam u Finance Secretary wa 25 ngut ki dkhot.