Pynthymme ka NPP ya kiwa kitkaam ka Amlarem Block

Ka NPP Amlarem Block ha ka 17 tarik uni u bnai da pynthymme ko ya kiwa kitkaam ha ka yalang wa pynman ha Krangpamtadong L.P. School, Amlarem heiwa da yaklam leh ya ki kaam Election MDC deilang wa kiwi de.

Ha kani ka sngi da pynlai ya ka yalang da u MLA warim, u Stephanson Mukhim deiwa emlang kamwa 500 ngut kiwa da wan wow chimbynta nadooh ki manbei manpa kamjooh ki khynroo.

Ha kani ka sngi da iwi i sur da pynskem ya u Stephanson Mukhim kam u President wa thymme ka Party hapoh ka Amlarem Constituency wei yei kaam General Secretary da pynchimkti ha u Reachingson Kongwang.

Waroh kiwa kitkaam man ki kamni:

President: U Stephanson Mukhim

Working President: U Holano Lamin wa u Het Pohthmi

Vice President:  U Wonly Chyrmang wa u Heimon Shylla

General  Secretary: U Reachingson Kongwang

Asst. Secretary:  U Sikil Chyrmang wa u Ailad Surong

Treasurer: U Jesper Tongper

Office Secretary: U Twin Nyallang

Organising Secretary: U Prolin Langshiang

Publicity Secretary: U Platini Mukhim

Adviser: U R.L. Tariang wa u Gilroy Tariang

Executive Member: Waroh ki President wa Secretary na waroh ki Circle.

NPYF (Youth Wing)

Ya ka Youth Wing kawa tip leh kam ka National People’s Youth Front da chaniah ha u Wanri Tariang wa u Jinesh Lamin Gashnga yow pynbait ya ka yalang pynthymme ya kiwa kitkaam.

WOMEN’S WING

Da thung ya ka Mandarita Pohplet wa ka Ferina Mynthong yow pynbait ya ka yalang pynthymme wa kitkaam.

FARMER’S WING

Ha kani ka sngi da pynthymme leh ya kawi ka chnat krehkaam ka Party, ka Farmer’s Wing wei da jied ya u Lah Pohktai kam u President wa u Omin Pohlong kam u Secretary.

Ha kani ka yalang da pyntipmit leh ya u kyrtong wa thymme na War East, u Wonly Chyrmang uwa da e yei sñiawngooh ya u Blai Kynrad uwa da yahluti ya oo wei da e khublei leh ya ka Party kawa da yoobiang wow man u kam u kyrtong deiwa booh leh yei kyrpaad wa khian ya ki paidbah na War East wow e ki yei kyrchaan ya oo ha kani ka Election MDC.