Ka Rotary Club Jowai hapoh Ri-loom Jaiñtia ha uni u snem da kynjoh ko 26 snem, kamtæ kamwa jooh man khlieh u snem, ha kani ka 9 tarik uni u bnai da em i yachemlang ha Newhill Loomsooiung Community Hall wow pynthymme ya kiwa kitkaam yong ka neibynta u snem 2021-22.
Ha kani ka janmiet yachemlang da emlang u Rtn. Kishan Tibrewalla (MPHF) Assistant Governor kam u kongsan heiwa ya ka yalang da phiah ha ki ar bynta, chibynta wa pynlai da u Rtn. S.K.Lato, MPHF, President Rotary Club Jowai wei da yoh ya i puræ ya ka bui krehkaam yong ka seiñ da u Rtn. Samehi Laloo, Secretary Rotary Club Jowai 2020-21katwa u Rtn. J.M. Pohsngap hawa kut da e u ya ki kyntien khublei.
U Rtn. S.K. Lato hawa e yei klam da e mynsien u ya kiwa kitkaam wa thymme kamjooh leh ya ki dkhot waroh wei da kyntu u ya ki wow kreh dei mynsien sñiawthooh yumut, i yatylli wei kitkhlieh wym toh wow man ki dkhot wa kut du ha i ktien khlem ki kaam.
Da pynskem ya kiwa kitkaam wa thymme da u Rtn. Kishan Tibrewalla (MPHF) Assistant Governor heiwa heipor wa e i klam da ekhublei u ya kiwa kitkaam warim wei da kitbok u leh ya kiwa kitkaam wa thymme wow chimkhia ki yei kaam wei wow pyndep ya ki kaam katkam ka thong yong ka Rotary International wow man kiwa myntoi ya ka imlang sahlang yong kiwa chong chnong la hei puræ puthi, i chait i khiah, i khooid i pliah wa kiwi kiwi ki bynta.
Kiwa kitkaam wa thymme ka Rotary Club Jowai neibynta ka samoi 2021-22 hapoh i yahkhmat u President Rtn. Montri Passah toh u Rtn. Kamwada-e Syngkon, Vice-President Rtn. Mewothi Gatphoh, Treasurer Rtn. Lakhon Laloo, Sergeant at Arms Rtn. Yoophrangki Laloo, Foundation & Club Trainer, Rtn. Ester F. Gatphoh MPHF, Club Service Rtn. D.F. Majaw, Community Service Rtn. Longda Bamon, Vocational Director Rtn. Deibormi Toi, Club International Director Rtn. B. Lytan, Youth Service Director Rtn. Remington Pala, Bulletin Director Rtn. S.K. Lato MPHF.
