Ka sorkar jylla ynne ka sngi da chim ko yaka rai wow pynthymme yei pynkrehkaam i booh bhah yoh kreh sorkar namo ka Reservation Policy neibynta kitu kiwa duna hei doh i pran kiwa tip leh kam ki Person With Disabilities (PWD) deiwa booh daka Roster Point System.
Katkam ka aiñ, ki PWD toh u yoh bhah ki 4% manda lait kaam sorkar tangwa ym jooh em yoh ki neidaw wa duna wa lait kreh sorkar chisein lait.
Deiwa em kani ka Roster Point System, kut wa lait kaam sorkar wa 25 sien toh u yoh ki PWD. Ini mut wa lada lait nyngkong 10 tylli ym pu yoh ki tangwa kut wa poi 25, 50, 75, 100 tylli wa lait kaam u lai ko cha ki PWD heiwa nachwa ym em kani i rukom kheiñ kamni da dooh bhah ki PWD heiwa ym jooh em i por wa lait kreh sorkar deiwa boon hadooh wow yoh bhah ki.
Deiwa leh daka Roster Point System i kheiñ yaka 4% toh kawa kheiñlang katwa dang lait kaam sorkar iwa mut lada lait nyngkong 5 tylli manda lait sa 10 tylli daw kheiñ wa da lait 15 tylli wei kamtæ ter ter.
