Pynthymme nongkitkam ka seiñ JNV Central Body Jowai

Jowai: Ka seiñ Jaiñtia National Volunteers (JNV) ka wa dang mihthymme ha kini ki ar bnai wa da dep ha ka 16 tarik uni u bnai da pynthymme ko ïa ki nongkitkaam yong ka na ki daw ym ye de ko u kiar wa ha ijooh i por wa emkaam ko ïa ki nongkitkaam kiwa kreh hok na i bynta ka jaitbru. Ki nongkitkam wa thymmai yong ka man ki kamni,

President- u Jersom Shylla ,
Vice-President – u Wanlang Chyrmang ,
General Secretary – u Arlang Shylla ,
Finance Secretary – u Heibor Pariat,
Cultural Secretary – u Da-o-hi Shylla ,
Education secretary- u Strong Pillar Talang,
Publicity Secretary- u Choomiki Phawa,
Sport Secretary- u Solomon Pakem,
Asst Publicity Secretary- u Jordan Phawa wa kiwi kiwi ki dkhot ka Executive committee.

Natlor wa da dep pynthymme ïa ki nongkitkaam, na ka liang ka seiñ da maham ki ïa kiwon kiwon ki bru wa pynemkaam bakla ïa i pyrtuid yong ka seiñ neini chakhmat wei ha ijooh i por ka seiñ ym em jingtip ïa kiwon kiwon ki bru kiwa da dep pynemkaam ïa i pyrtuit ïong ka seiñ lait noh tang kini ki pyrtuit wa dep pynmih ha kani ka wyrta.

Na ka liang ka seiñ leh da pyntip ko wa kyrchan ko ïa ka Rally ka Synjuk ki Rangbah Shnong ka wa daw man ha ka 30 tarik uni u bnai ha kawa yatoh wa ka nongrim wa ki yieñ ki yow yada ïa ka hok yong ka jaitbru khian paid da pynkut ka kyrwoh na u Publicity Secretary ka seiñ.