Ka chnong Lumputhoi kawa haap ha ka East Jaiñtia Hills District, Elaka Rymbai, da chong Dorbar ko ha ka 12 tarik uni u bnai wow jied ya kiwa kitkaam chnong hadien wada kut ka samoi krehkaam yong ki.
U waheh chnong warim u Honi Bareh da ieh u ya i kaam Waheh Chnong hadien wa da kut i por krehkaam yong oo iwa le snem. Kamtæ hei klam yong oo da e khublei u ya ki paaid chong chnong kiwa da ya krehlang wa oo neibynta i chongsuk chongsaiñ wa ka roi ka paar hapoh ka chnong ka thaw.
Da kitbok kitrwiang u leh ya kiwa kitkaam wa thymme wow chimkhia ki kammon wow chakri hok ya u paaid chong chnong khnang yow ye u wanrah yei roi yei paar kamjooh i chongsuk chongsaiñ yong ka chnong ka thaw.
Kiwa kitkaam chnong wa thymme man ki kamni ha wah:
Waheh Chnong- Wh. Saian Lyngdoh
Asst. Waheh Chnong– Wh. Kular Lyngdoh
General Secretary– Wh. Shimphang Lyngdoh
Asst.Secretary– Wh. Tubod Lyngdoh
Treasurer– Wh. Honi Bareh
Da jied leh 20 ngut kiwa man kam ki dkhot yong ka Executive Committee.
