Jowai: Ka CEC ka Jaintia National Council hadien wa mih seiñ wei ieh noh kaam yong ki kattu katni kiwa yahkhmat ka seiñ nadooh kiwa yahkhmat ka JNC-Central Body wa ka JNC-Khliehriat Circle heiwa kini ki dkhot da phah ki da ka chithi iehkaam cha u President ka seiñbei kiwa kynthup ya u Vice President JNC-CB, General Secretary JNC-CB, Assistant GS JNC- CB, President JNC-KC, General Secretary JNC-KC wa u Assistant GS JNC-KC wei i daw wa mih ki toh na i daw samen yong ki kamwa da pynche ki haka chithi wa da phah haka 16-10-19. Ka CEC ka JNC kawa pynman ynne ka sngi da pdiang ko yei mih seiñ yong ki 6 ngut kiwa yahkhmat ka seiñ.
Wei ha kani ka CEC da jied ya kiwa yahkhmat wa thymme yong ka seiñ, wei ya u President Khliehriat Circle da jied da u Rimiki Dkhar, General Secretary Khliehriat Circle da jied da u Miki Talang, ya u General Secretary ka Central Body da jied da u Winchester Pala wei ha kani ka jooh ka sngi ka JNC ka da pdiang wei pynskem thymme leh ya ki 10 ngut ki dkhot wa thymme yong ka seiñ kiwa kynthup ya kini ha wah:
- Pynbiangki Sama 2. Heimonmi Tlang 3. Eric Paslein 4. Kyrkhu Dkhar 5. Khadooh Lamare 6. Symboh Sumer 7. Moving Sutnga 8. Joohki Rymbai 9. Mewan Syih 10. Kitbok Mulat.
Ini toh katkam wa pyntip u Wanshwa Suting, President JNC: CB.
Also Read: Mih seiñ noh ki 6 ngut ki dkhot ka JNC
Discussion about this post