Ka yalang paidbah yong ka seiñ kamai kari kawa tip kam ka Tourist-Local Drivers & Owners Ummulong Circle da pynman ynne ka sngi yow jied ya kiwa krehkaam yong ka.
Ya ka yalang da pynlai da u Wil Dkhar uwa man u Advisor ka All Jaintia Tourist & Commercial Vehicle Association deiwa emlang u Deovolente Tang, Secretary ka All Jaintia Tourist & Commercial Vehicle Association chirup wa ki dkhot yong ka Central Body (AJTCVA).
Kiwa krehkam wa thymme man ki kamni hawah:
- President- U Share Sari ( Mukhla)
- Vice President- U Prinstone Rymbai (Moodymmai)
- General Secretary- U Louis Dkhar (Ummulong)
- Asstt. Secretary- U Chibormitre Ryngkhlem
- Treasurer- U Arnnes Passah (Moodymmai)
- Advisor- U Karlan Sari (Mukhla)
Executive Members:
- U Dangwan Phawa
- U Hernes Lyngdoh
- U Stand Muruh
- U Wis Symblai
- U Wanbait Sari
- U Comotstar Suiam
- U Ried Siangshai
- U Romius Mukhim
- U Fundershiang Suchiang
- U Emi
Da jied leh ya ki President wa ki Secretary yong ki Unit waphær waphær kiwa em hapoh ka Ummulong Circle.
Ya kini wa krehkaam thymme da pynskem da u Paila Kordor Lyngkot uwa man leh U President yong Ka All Jaintia Tourist & Commercial Vehicle Association kamjooh u kongsan ha kani ka sngi.
U Paila Kordor Lyngkot hawa klam kam u kongsan ha kani ka sngi da e bor e mynsien u ya ka seiñ deiwa ong wa ha i kreh neibynta ka seiñ daw yachem i chiboon ki eh tangwa emkaam wow man i ki bru wa yaichah yow ye wow pyndep ya i thmu wa bha yong ka Association. Da ong chooh chooh u wa kam kiwa yah kari ym toh du wow pynpoi ya kiwa lai wa wan na iwi i thaw cha iwi, emkaam leh wow man i kam ka nongmuna wa bha ha ka imlang sahlang khnang wow yoh ya i chaniah na kiwa lai wa wan.
Da yoh leh yei klam na kiwa krehkaam thymme nadooh u President, Secretary, Treasurer wa kiwi kiwi.
