Shillong: Ka Hill State People’s Democratic Party (HSPDP) kawa em 2 ngut ki MLA kiwa kyrchaan ya ka sorkar Meghalaya Democratic Alliance (MDA) wa yahkhmat da ka NPP, da pynthikna ki wa napyrdi ki 2 ngut ki MLA, daw bhah mar chiteiñ ka samoi i krehkaam kam ki Montri ha ka sorkar.
Ka HSPDP da em ko ya u Samlin Malngiang uwa man u MLA ka Sohïong uwa man katni kam u Montri ha ka sorkar u Conrad K Sangma wa u Renikton L Tongkhar uwa man u MLA ka Mawkyrwat.
U President ka HSPDP, u KP Pangniang da ong u wa ka Party da dep ko wow yaklam nadooh wa sdang wow e mar chiteiñng ka samoi krehkaam kam ki Montri ha ka sorkar ya waroh 2 ngut ki MLA, wei kattæ leh ini i rai yong ka Party dang skem i wei ki MLA leh mynjur ki.
