Ka Meghalaya Football Association (MFA) ynne da pyntip ko wa daw em 13 tylli ki Team kiwa daw chimbynta ha ka Meghalaya Women’s State League kawa nyngkong dooh kawa daw pynman nadooh u Naisaphra, 2025.
Ki Team wow chimbynta toh napoh ki District Association kiwa da tipmit da ka MFA wei u pynman ya kani ka lympung yalehbol deiwa kyrchaan ka sorkar Meghalaya wei u man ko leh kam ka rynsan yow yoh ki Club na Meghalaya u chimbynta ha ka Indian Women’s League Second Division (IWL 2).
Kiwa yoh u chimbynta toh du kitu ki District Association kiwa dadep pynman ya ka Women’s League kiwa da em 8 tylli heiwa ki Team waroh u em ki 13 tylli kiwa da pyntikna wow chimbynta.
Heiyatoh wa ini da em ka yalang wa da pynman deiwa embynta ki heh ka MFA yow pyrkhat ya ki kyndon wow pynman ya kani ka lympung yalehke ki kynthai.
Yei thaw wow pynman wa ki tarik daw pynbna won ka MFA hadien won.
Ki Team wow chimbynta man ki kamni:
Ri-Bhoi District Sports Association – Na Rympei Football Academy (Champion), Pahamsyiem SC (Runner-up)
Shillong Sports Association – Laitkor SC (Champion), Pay For Right Football Academy (Runner-up)
Mawkyrwat District Sports Association – Jakrem SC (Champion), Mawten SC (Runner-up)
Pyndengumiong District Sports Association – Young Sports Social and Cultural Club (Champion), Bright Future SSCC (Runners-up)
East Jaintia Hills District Football Association – Diengshynrum SC (Champion)
Tyrsad Area Sports Association – Mawlum Tyrsad SC (Champion), Mawsawrit SC (Runner-up)
Riwar Mihngi Football Association – Lapalang SSCC (Runner-up)
Laskein Block Sports Association – Chirupheiwei Nongkynrih FC (Champion)
Discussion about this post