Ka chnat A.H. & Veterinary ka sorkar Meghalaya da pyntip ko hadien wa da phah Test ya ki nongmuna ki sniang ha ka North Eastern Regional Disease Diagnostic Laboratory (NERDDL) Guwahati, da yoh yei pyntikna wa em i kjut sniang African Swine Fever ha Meghalaya.
Kamtæ yow yada yei poor ini i kjut wei deiwa pynkrehkaam ya ki kyndon ka aiñ kitæ ka Section 6 wa Section 20 ka Prevention and Control of Infectious and Contagious Diseases in Animals Act, 2009. Ka sorkar Meghalaya da pynbna ko ya ka chnong Dalu wa Asiragre kiwa em hapoh ka Dalu Block, West Garo Hills District kam ki thaw wa sdang ini i kjut namo ki ‘Epicenters’ ini i kjut African Swine Fever.
Hapoh won ka National Action Plan for control, containment and eradication of African Swine Fever wa da booh da ka Ministry of Fisheries, Animal Husbandry and Dairying ka sorkar India, ki thaw wa em 1 Km soodong kini ki thaw wa em ini i kjut da pynbna ki kam ki “Infected Zone” wei ki chnong wa em hapoh 10 Km soodong kini ki chnong u man noh ki kam ki “Surveillance Zone”.
Ha kini ki thaw da khang wow kit, u rah ya ki sniang kamjooh i doh sniang, ki tiar wa pynemkaam hawa ri sniang, ki baam sniang kiwa napoh kani ka Infected Zone cha baar kani ka Infected Zone kamjooh na ki Surveillance Zone cha ki thaw wym em ini i kjut.
Da khang leh wow mih ki kari wa em ha kini ki Infected Zone, kiwa pait wa sumaar sniang leh ymtoh u tba ki na uwi u sniang ha uwi.
Ki thaw dai sniang, ki thaw ah doh sniang ha kini ki thaw wa da pynbna toh u man ki leh kiwa khang chisyndon.
Hap leh wow thooh tre neiwon wanrah yei baam sniang.
Ya ki sniang wa yap ymtoh wow noh ki kat chawa yoh tangwa toh u tlep ki dep tæ tymmoh da u chuni.
