U MLA ka HSPDP na Sohiong Constituency da pyntip u wow mih noh na ka HSPDP, ka Party kawa da jop u kam u MDC wei kam u MLA ha u snem 2018 wei katni da pynkhreh u wow yakhun na kawi tawon ka Party ha u 2023.
Hanla ympu em pynbna u na kawon ka Party u mih yakhun u, tangwa uni u MLA hawa yaklam wa kiwa pathai khubor da ong u wa iwa thai cheitu cheini toh iwa sakhiat wei katni dang yang u wow chim ya i rai chwa wow lai chaphrang.
Katkam wa ong u Samlin, ini i rai da chim hadien wa da bichaar bniah ya i man i long ha ka synchaar khadar ha ka jylla ha kini ki snem wa da man u kam uwa mihkhmat wei kam u Montri ka sorkar jylla.
Da ong u wa ha ka synchaar khadar hi emkaam ya ka Party kawa heh khnang wow yoh ya ka sorkar kawa skem du kawi don ka Party wow synchaar khnang wow ye u chakri bha ya ki paidbah.
Hawa kylli hajrong i psiah u MLA warim, u HDR Lyngdoh cha ka UDP, neiliang u Samlin da ong u wa ha Election ha Sohiong hi lada yakhun na kawon kawon Party ka leh i jooh hi.
Kam wow kdaw heini wa ha u 2018, u Samlin da yakhun u naka HSPDP wei da jop u ya u kyrtong ka Congress, u HDR Lyngdoh, tangwa ha kani ka Election wow wan, waroh arngut u yakhun noh ki na ki Party wa thymme.
