Heiyatoh wa i ya tyrrah ka thuk-thuk ha ka 15 tarik uni u bnai heiwa da dooh yei mynsien yong uwa yah uwa tip kam u Hudderfield Rymbui (30 snem) uwa na Nongtalang Mission, West Jaiñtia Hills, neiliang u SP ka Ri-Bhoi District da pyntikna u katkam ka takit, em hi i ya tyrrah wa kawi ka kari pulit (Police Escort) wa kani ka thuk-thuk wa em Number ML-05AD-0566.
Da pyntip leh wa ya ki ar ngut wa chong thuk-thuk da kit ya ki cha Holycross Hospital Umbir heiwa uwa yah ya ka thuk-thuk toh uwa da khlaad chwa katwa kawa chong hadien da mynsoo ko malu mala.
Kamtæ da Register ya ka Case hapoh ka Umiam Police Station hapoh ki kyndon 281/324(1)/106(1) ka BNS kiwa yatoh wa i yah kari deiwa pynmynsoo pynyap ya kiwi, wei ya kani ka kari pulit leh da tip kawon ka kawa em Number ML-02-5612 wei da kem ya ka yow leh yeiwa emkaam katkam ka aiñ.
Chooh chooh da pyntip wa ym pu em kem ya uwon uwon tangwa uwa yah ya kani ka kari da phah Notice cha oo hapoh ka kyndon 35 ka BNSS yow wan mih u hakhmat u Investigating Officer.
I daw wym em kem toh deiwa bood ya ka hukum wa pynmih da ka Supreme Court heiyatoh wa ka mukotduma Arnesh Kumar vs State Of Bihar & Anr ha ka 2 tarik u July, 2014 neidaw i pynchitom toh deiwa phah kset hapoh 7 snem.
Da pyntip leh wa da em ka FIR wa da e da u payu uwa khlaad.
Discussion about this post