I jhep i jhoor wa mih ha ki yaw ki haat ha District Headquarter yong ka West Jaiñtia man ko ka jhep wa mih na i hi kiwa chong chnong yong ka Ri Jaiñtia waroh kawi, ham sñiawthooh bakla wa toh du ka yong kiwa chong chnong Jowai.
Kamtæ yow lait na i yoosarom yow lait na i tung i sma wei na i eh wa boon rukom. Ka synjuk kyrpaad ko ya phi kiwa yahkhmat, kiwa chong chnong yong ka Ri Jaiñtia waroh kawi nadooh ki khynroo khyllood, ki waheh wasian, kiwa mihkhmat paidbah, ki sahep sorkar, ki bor paidbah waroh kiwa maya kiwa em i kitkhlieh ya ka dong ka chnong khamtam ya ka Ri Jaiñtia waroh kawi wa da tip che yeini i eh yow yoh ya i thaw noh jhep.
Ka bor District deilang waka JMB da yoh ki yei thaw ha “Moochutsdai” iwa haap haka thaaiñ Thadmusem. Wei da pynkhreh ki leh yei rukom leh (Plan) wow chna bha dei wym ktah yei im ki bru. Ki bru chemphang yong ka Urban da lai pait lai sylli wei da chem leh wa kani ka thaw kawa hoi u chna ya katæ ka thaw pynlang jhep katkam ka ka juk thymme yow pynman kam ka “Sanitary Landfill” ym toh de kam katæ ka “Dumping Site”.
Kamtæ yow lai bait i chna wa i pynkhreh wow pynman kam ka juk stat Science & Technology kawa ye u e kaam e jaam u pynmih bordiň pynmih sboh ya ka thaaiň, daw pynman noh ya ka pynsñiaw paidbah (Public Hearing) heiyatoh wa katai ka kaam kamtæ ka synjuk da kyrpaad ko ya waroh ka Ri Jaiñtia wym hoi u booh hakhmat dei eh næ ya pyrchah, toh u elaad wow pynlai chakhmat ya itai i thmu khnang yow ye noh u lait na kani ka yalehthma wa ka jhep. Yow wan noh da i man wa i long wa thymme ha sor Jowai wa ki yaw ki haat.
Ka Wyrta na u President ka synjuk.
