Pyntip u SP hapoh High Court wa da kem ya u mooyong wa mih hapoh ka 18th Interim Report

Ka mukotduma PIL wa leh da ka Meghalaya High Court hi heiyatoh wa i tih mooyong pyrchah ya ka aiñ da chong bichaar biang ka ynne ka sngi heiwa u SP ka East Jaiñtia Hills District leh da wan u wow em dei bru katkam wa da phah ya oo heiwa da pyntip u da kem ya u mooyong wa 4800 MT uwa da mih hapoh ka 18^th Interim Report wa da e da u Justice B.P. Katakey (Rtd) ini wa dep.

Neiliang u Advocate General da khana u wa ya ka Report wa thymme ym pu em e da u Justice Katakey yow tip iyi wa da leh katkam wa da dep phah hapoh ka 18^th Interim Report, kamtæ ka High Court da ong ko wow yang yow bichaar biang ha kani ka 19 tarik neibhah ha kani ka Report wa daw e daw em leh sa ka Report na u DC wa kammon da leh ya uni u mooyong wa da kdaw hapoh ka 18^th Interim Report.

Da pyntip leh hakhmat ka yung bichaar wa u mooyong wa 5,50,000 MT dang sah wow kit wei wow dai lilam oo da ka Coal India Ltd katkam ki kyndon wa da booh da ka Single Member Committee yong u Justice Katakey wa yeini toh u pyndep chwa u kut uni u snem wei da yooluti leh yeini toh u ye u pyndep katkam wa da phah.

Hadien ini won chwa u kut i por bichaar ynne ka sngi, da pyntip wa da yoh yaka 19^th Interim Report yong u Justice Katakey.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neidaw wa kattu da em ki sngi chuti, da phah wow e cha kiwa toh u yoh ya kani ka Report yow ye u pynche manda chong bichaar biang.