Pyntipmit ka NPP-Nartiang Block Constituency ya ki kyrtong MDC

Ka National People’s Party 1-Nartiang Block Constituency, ha ka 6 tarik uni u bnai da pynman ko yei yachemlang yong waroh kiwa yahkhmat ka Party kiwa kynthup ya ki dkhot ka Parent Body, Women’s Wing wa Youth Wing na ki Unit waphær waphær ka Constituency kawa da pynman ha ka Hall yong ka Highwind Restaurant, Thadlaskein wei da wan sakhi da ki hajar ngut kiwa yahkhmat yong ka Party na ki Unit waphær waphær hapoh ka Constituency.

Ya ka yalang da pynlai da u Hamkom Khyriem, President ka Party wei da yoh ya ki kyntien pdiang burom na u Mutshwa Thabah, Secretary ka Party.

Da yoh leh yei pyntipmit ya waroh ki kyrtong MDC kiwa ka Party da jied ko wow mihkhmat ha ka Election cha JHADC kawa daw man ha u snem 2025.

Ki kyrtong ka MDC wa ka Party NPP 1-Nartiang Constituency da jied ko toh u Jesse Suiam na 6- Moodymmai Nongkhroh, u Reforming Son Lamare na ka 7- Nartiang Wahiajer, u Thombor Shiwat na ka 8- Moodop Umladang wa u Pheinshwa Nanglein na 10-Mynsngat Khanduli.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Najrong kini, da em leh ki kyrtong MDC ka NPP kiwa haap ha ki kattu katni tylli ki chnong yong ka 1-Nartiang Constituency kam u Ailad Bhoi (5-Mukhla -Ummulong), u Evening Tron (9-Mynsoo Nongjngi) wa u Aiborlang Shadap (12-Barato Mukroh).

Waroh ki kyrtong hawa e ki yei klam ha kani ka yalang da e khublei ki leh ya ka Party wa da jied ko ya ki wow mihkhmat ha kani ka Election MDC cha JHADC wei da kyrpaad ki leh ya kiwa yahkhmat yong ki Unit waphær waphær ka Party wow kreh chitom yow pynsñiawthooh cha waroh kiwa chong chnong ya ki yurim wa ki kaam wa ka NPP da leh ko ha kini ki snem wa da lai hawa em ki hei bor synchaar.

Ha kani ka sngi da emlang leh u Sniawbhalang Dhar, Deputy Chief Minister ka jylla uwa man leh kam u MLA ka thaaiñ, uwa da kitbok kitrwiang ya waroh ki kyrtong yong ka Constituency yow poi ki cha ka thong wow jop ha kani ka Election MDC wa daw wan.

Da kyrpaad u leh ya waroh kiwa yahkhmat yong ka Party wow kreh chitom ki yow pynjop emburom ya kini ki kyrtong ka Party khang wa ki paidbah ka Constituency u yoh myntoi ki deiwa yoh ya u MLA wa MDC na ka jooh ka Party.

Neiliang ka NPP 1-Nartiang Constituency da booh ko yei kyrpaad wa khian cha waroh ki paidbah ka Constituency wa ka jylla hi waroh kawi wow e yei kyrchaan wa pura ya ka NPP ha kani ka Election MDC cha JHADC wa KHADC.