U khynnah kynroo na Arunachal Pradesh, u Miram Taron (17 snem) uwa da chah rahbor ha ki chipai ka China ka People’s Liberation Army (PLA) ha ka 18 tarik uni u bnai da pynuiñ biang ya oo deiwa ekti ya oo cha ki chipai ka Indian Army.
Hadien wa u lok u Taron wa emlang wa oo heipor wa chah rahbor da yoh u wow yut yow pyntip cha ki bor sorkar, neiliang ka PLA da pyntikna wa da yoh kem ki ya u Taron wei daw pynuiñ biang oo.
Deiwa pynbait yei por wa i thaw wow leh yeini, ynne neiliang u MP ka Arunachal Pradesh u Kiren Rijiju leh da pyntikna u wa da ekti noh ya u Taron da ki chipai ka China.
U Taron da chah rah u na Siyung La ka thaaiñ Bishing iwa man leh i thaw wa jan bha cha ka Line of Actual Control (LAC) heiwa ha ka 20 tarik ka China da pyntikna ki wa em u Taron wa ki deiwa e daw wa chem ya oo chapoh u pood ka China kamtæ neiliang ka India da kyrpaad ki wow phah pynuiñ oo hadien wa da dep wow pyntikna wa uni toh hi uwa wiar napoh India deiwa phah yei pyrtuid wei dur yong oo cha ka China.
