U Prime Minister ka Australia u Scott Morrison da kular u wow lai chakhmat yow pynkrehkaam yaka aiñ wow pynbor yaka Facebook wow su cha ki laad pathai khubor ka ri hawa pynemkaam ko ya ki khubor yong ki heiwa neiliang ka Facebook da kyntait ko wow leh ya ini deiwa pynwiar ko ya waroh ki khubor wa da em ha ki Facebook Page ki laad pathai khubor kiwa na Australia.
Ka Facebook da pynyoo bor ko deiwa khang ko leh hadooh ki bru paidbah ka Australia wow ya pynpoor (Share) ya ki khubor wa mih na Australia nadooh ki khubor wa jia cha kiwi ki ri.
Ka Facebook da pyndam ko leh hadooh ki Account yong kiwa boon ki chnat sorkar, ki NGO wa kiwi kiwi iwa da wanrah yei chrai na kiwa boon.
Neiliang u Morrison won da ong wa ini i leh ka Australia da yoh ko yei kyrchaan na ki ri kam ka Britain, Canada, France wa India.
Ka sorkar Australia da dep ko wow chna aiñ kiwa daw pynbor yaka Facebook waka Google wow ya soi suskular wa ki laad pathai khubor kiwa na Australia kammon wow ya su poisa.
Ini i leh ka Facebook da ktah ko ya kiwa poi cha ki Website ki laad pathai khubor ha Australia heiwa da hiar da 13% du kiwa napoh Australia.
