Kam chibynta yong i lehkmen dap 75 snem ka ri namo ka “Azadi Ka Amrit Mahotsav” wow pynkynmoo ya kiwa da yakhun laitlooid, ka Assam Regimental Centre da pynwyrngia ko ya ki paidbah da ka Live Musical Concert.
Ya kani ka Concert da pynman ha St. Edmund’s College, Shillong ha ka 10 tarik heiwa da pynyoo leh ya ki yalehke Martial Arts da ki North East Warriors.
Ki sahep na ka Indian Army, kiwa sikai kani ka College wa kamwa 500 ngut ki khynnah da sakhi ki ya kani ka Concert.
Neiliang u Dr. Sylvanus Lamre, Principal ka St. Edmund’s College da e khublei u ya ki chipai katwa u Lt. Gen. KC Panchanathan, AVSM, GOC HQ 101 Area da yaroh u ya ki chipai wa pynwyrngia heiwa da kyntu u leh ya waroh wow krehlang neibynta ka ri.
