Neidaw wa dang ye hi u khyndang hi da i bor yong u bru, ka seiñ Hynniewtrep Youth Council (HYC) ynne ka sngi da pynyang syndon ko da ka pooh chi loom.
Ya kani ka pooh chi loom da wanrah dei thmu wow tympra ya ki yung wa sah ki bru kiwa da chah pynbaad wa wan sah khlem da yoh bor ha Lum Survey tangwa da leh won yeini i kaam da ki dkhot ka seiñ wei da pynyang donhi ya kani ka pooh chi loom ha Them Bijoy.
Katkam i ong u President ka HYC, u Roykupar Synrem, da em kamwa 80-100 tylli ki tnoom yung kiwa da chna deiwa kær wei tymmoh da kat iwa yoh ki tiar kiwa em ha katai ka thaw wei ymtip kiwa neiwon kini ki bru.
U Roykupar da ong u leh wa katai ka thaw da man ko kam ka ktem ki kaam sih heiwa da em i dih wei khayi drugs wa joor bha heini wei ka seiñ da chim ko ya kani ka luti hadien wa ki bor District ym ye ki wow e jubab u leh iyi iyi wot hadien chi tayaaw wa dadep e por.
Da ong u ya kattæ chooh ka seiñ da wan ko du da ki kti wa ki dieñ tangwa lada chem wa wan biang kini ki bru, daw wanrah syndon da ki pooh chi loom.
Discussion about this post