Kiwa em neiliang ka ISIS kam ki Jihadist da pyllait ki ya i Video wa kam ki toh i pynyap ya ki 11 ngut ki chynrang wa man Khristan ha ri Nigeria kawa da pyllait leh wow yatoh waka Christmas.
“Ini toh ka khubor cha waroh ki Christian ha waroh kawi ka pyrthai,” da ong uwi u bru wa sap mask haka Video wa jrong chi minit kawa da booh Online haka 26 tarik daka laad pathai khubor ka Amaq News Agency kawa pynmih khubor ya ki seiñ Terrorist.
U bru wa klam da ong u ini i pynyap toh ha i kti ka Islamic State West African Province iwa da leh kam i dak wow pynyoo yei pyrchah yei yap u heh dooh ka ISIS u Abu Bakr al-Baghdadi wa uwa e ktien yong oo.
U Baghdadi da chim u pyn yei yong oo i mynsien ha u Naichiphaw (October) hadien wa chem ka chipai US ya oo ha Syria.
Ym pu tip kiyi kini ki bru wa chah pynyap tangwa ka ISIS da ong ko wa da kem yaki haka tayaw wa da dep na Borno, Nigeria katkam ka khubor naka BBC.
Uwi da cha pynyap u deiwa siat katwa 10 ngut won deiwa chah ah khlieh.
Ka ISWAP da pynjoor ko wow pynchitom ya ki Khristan, ki chipai wa kiwi deiwa khang ya ki sarokbah yow thooh bru da pyntip ka Agence France-Presse.
Haka sngi Bibar kini ki jooh da pynyap ki leh ya 6 ngut ki bru wei da rahbor ya 5 ngut napoh kari wa lai luti haka sarohbah hajan Maiduguri ka nongbah ka jylla Borno.
Ka ISWAP da lai ko wow kyrchaan ya u Baghdadi ha u 2016 deiwa mih naka Boko Haram.
Discussion about this post