Uwi u khynnah Class-VIII da chah kem u hadien wa pynyap u pyn ya u khynnah wa lai skur lang uwa dang Class-I ha kawi ka skur ki bru samen kawa man leh kam ka Residential School.
Ini da jia ha ha Purulia District ka West Bengal’s wei da chem yei metyap u khynnah Class-I hadien ar sngi na kawi ka nan wa em hajan ka skur hi.
Uni u khynnah Class-I da wiar u nadooh ka 30-01-24 heipor wa baam ja sngi wei hadien wa da pynman yei thooh da chem yei metyap u na ka nan khian wa jngai kamwa 400 Meter na kani ka skur. Hadien wa leh Post-Mortem da chem wa uni u khynnah da chah dat u na i bynta i khlieh u. Wei i takit ki pulit da yah i cha u khynnah wa puræ Class-VIII kani hi ka skur.
Uni u khynnah Class-VIII ym em de wan skur u nadooh wa wiar uni u khynnah wei hadien wa takit ki pulit oo, da phla u oo wa pynyap ya uni u khynnah Class-I neidaw wa kwah chuti u wei ngait u wa deiwa em wa yap da e chuti bait ka skur.
Uni u khynnah wa sah Hostel ha kani ka skur da ong u wa kwah u wow liwan yung neidaw wa da sah Hostel u dang chi tayaaw donhi wei yow yoh chuti da dat u ya uni u khynnah na khlieh da u moo dep te noh u oo hapoh ka nan.
Kiwa sikai skur da ong ki wa uni u khynnah tip hi ki toh uwa dang sah wot hapoh Hostel tangwa ym em yoo ki iyi iyi wa rap phær hei rukom man u.
“Nyngkong da mut jan wa uni u khynnah da yap u neidaw wa ngam um u tangwa ka takit da pyntikna wa emkti uni u khynnah wa chong Class-VIII,” da ong u Headmaster kani ka skur.
Neiliang ki pulit da lai rah ki ya uni uwa emkti hakhmat ka Juvenile Court haka 6 tarik uni u bnai wei da pyntip ki leh wa uni u khynnah mar ya dep leh u yeini i kaam liwan yung wot u.
Discussion about this post