Ka Meghalaya People United Front (MPUF) ynne ka sngi da pynyieñ ko yaka chnat krehkaam yong ka kawa tip kam ka MPUF Wapung Unit ha ka yalang kawa tbian wa da pynlai da u Juny phawa uwa man leh u President ka MPUF-Sanshnong Circle deiwa emlang leh u President ka seiñ MPUF-EJHD u Kyrshan Blah wa u President ka Laskeiñ Circle u Phrang Suiam uwa man leh u General Secretary, u Kmenlang Siangshai, Publicity Secretary wa u President wa khliehdooh u Dapoiwanmi Laloo uwa da e ya ki kyntien sneiñ kyntien khroo wei i pynsmai ya ki dkhot thymme yong ka Wapung Unit.
Kiwa kitkaam wa thymme yong ka Wapung Unit toh u Treibha Rymbai kam u Adviser, u Samely Siangshai kam u President, u Bamonlang Siangshai kam u Vice President, u Kynmaw Phawa kam u General Secretary wa kamwa 20 ngut ki dkhot.
Kiwa da klam ha kani ka sngi kynthup ki ya u Secretary ka KSU Wapung, u United Shwami Ryngkhlem, President ka MPUF EJHD, u Kyrshan Blah wei da yoh leh yei klam na u President wa thymme yong kan Wapung Unit u Samely Siangshai.
